"कालिको बिहे"

सुधिर बा र मुरली काका साझ पख फलैचामा बसेर भलाकुसारी गर्दैछन।सुधिर बा ले घरी घरी दसमुझा परेको निधर खुम्च्याउदै लामो श्वास फेर्दैछन।त्यतिकैमा मुरली काकाले सोध्नुभो हैन तपाईं किन आज चिन्तित देखिनु हुन्छ ? सधैत हसिलो मान्छे अनेक मनगन्ते टुकाले सबैलाइ हसाउनु हुन्थ्यो के पर्यो र तेस्तो भन्नोस न मलाइ नि ?
 मुरली काकाले अस्कोट को खल्ती बट प्लास्टिको पोकोअनि अर्को गोजिबट सानो सोलि आकारको चिलिम  झिके प्लास्टिक खोलेर चुर्मुर लाम्पातेसुर्ती लाई बिस्तारै चिलिममा भर्नथाले।म नजिकै बसेर हेरिरहे र अचम्ममा परे आज पनि उ बेलाको चिलिम यी बाजेले कसरी राख्या होलान।कौतुहलता जाग्यो तर सोध्ने आट आएन।

सुधिर बा बोल्नु भो हैन तेरो यो चिलिम खाने बानी मलाइ मनपरेन है धुवालेत मानिस लाई सखाब बनाउछ फोक्सो मा असर गर्छ।मुरली काका-हैन के हुन्छ र अब नानी देखि लागेको बानी के छोड्नु धुवालागेला घरका दलिन झन बलिया हुन्छन हैन र।

सुधिर बा फेरि बोल्नुभो हैन छोड यी कुरा आज बिहान साहिला पन्डितका तिर गाथे कालिको बिहेको कुराले निकै दुखेसो गरे पण्डितले त्यही कुरा ले म नि चिन्तित छु।मुरली काकाले चचिलिम हात मा च्यापेर अर्को खल्ती बट लाइटर निकाले त्यो नि कस्तो मट्टीतेल र सलेदो भएको लाइटर बेस्सरी झोस्दै चिलिम सल्काए यतिलामो श्वास ताने कि पेट्नै सबै धुवा झै बिस्तारो धुवा नाक र मुख बट बाहिर निकाल्दै बोले ओहो कालिको बे ?
 धुवा हावामा मिल्नथाल्यो जसरी चैत बैसाख मासमा बिहानी पख कोसि गड्तिरमा पाट लाग्छ अनि उज्यालो को किरण सङ्गै हराउदौ जान्छ।फेरि बोले- मलाईनि चिन्ता लाग्यो म याहा भखरै बसाइ सरेर आए धेरैकुरात जन्दिन तरपनि बढेका छोरी चेली घरबसे चिन्ता कस्लाइ हुन्न र उमेरनि निकै खाइसकेकी होलि हैन ?

समयमा जौ रोपियो भनेमात्र अक्षतृतिया मनाउन पाइन्छ हैनर। यो उमेरमा नि जोई पोइ हुन मन नभए कहिले होला।
कि त्यो इस्त्री हैन र?
मुरली काका को प्रश्न सुनेर सुधिर बा बेस्सरी हास्नु भो र बोल्नुभो के भन्छ हो नाथे खास्साकी केटिहो मैले इनै हातले खेलाएर हुर्काएको।सानामा टिठिली थिइ।अहिले कत्ती हिम्मतिली छे मर्दकोझै साहास आट र कर्यकौसलता देखेर म मख्ख पर्छु कहिले कहि।
यतिकैमा तल्लाघर केसब आइपुग्यो सबैलाइ दर्शन है भन्दै खिस्स हास्यो र प्रश्न गर्यो ।
 हैन आज बा र काका कुन बिसयमा गन्थन गर्दै हुनुन्छ ?

सुधिरबाले बस्ने इसारा गर्दै भन्नुभो हैन पण्डित कि छोरी कालिको बिहेको कुरा गर्दैछौ।

कस्तो केटाभए बिहेगर्छे भन्नेकुरा नि।
ल तलाइ त हम्लाइ भन्दा निकै थाहाछ नि उस्को बारेमा फेरि तलाइपनि घरबारे बनाउन उसैले निकै सहयोग गरेकी हो भन्ने ह्वाइ सुनेको ल भन त कस्तोमान्छे चाहिने हो तेस्लाइ ?

 केसब खिस्स हास्यो र बोल्यो बा यो बिसयमा उसैलाइ सोध्नोस उ अफिसबट आउने बेला भो यहिबाटो आउली मन बिचार्नोस न।
ल उ पर आउदैछे अब उसै सङ्ग कुरा गर्नोस।

लचिलो चाल मन्द मुस्कान थोरै थाके झै देखिने अनुहार मा सजिएकी काली छेउमै आइ र सबैलाइ प्रणाम गरि सुधिर बा ले भन्नू भो हैन म आज तलाइनै कुरेर बसेको तालाइ फरक पर्दैन भने केही कुरा सोध्नु छ।उस्ले सहजै भनी भन्नोस न तपाईं मेरो बा झै मान्छे के भन्न लाग्नु भा हो।
सुधिर बा : हैन हामी तेरो बिहेको कुराले निकै चिन्तित छौ त किन बिहे गर्दिन तलाइ कस्तो केटा चाहिने हो।अब यसै एक्लै भन्दा हामी तलाइ तेरो श्रीमानको साथमा देख्न चाहन्छौ।त पनि अरुले झै माइती आउदा हातमा लालाबाला र साथ मा तेरा राजा सङ्गै हिडेको हेर्न चाहन्छौ।अब तैले जवाफ दिनकर लाग्छ तलाइ कस्तो केटा चाहिनेहो ?
कि बिहेनी न गरि यतिकै बस्छेस ?

सुधिर बा को प्रश्न ले कुनै असर न परेझै सहजै उस्ले भनि तपाइकै आस पास मा हुर्केकी म मेरो बानी धेर थोर तपाइलाइ थाहानै छ।उमेर बड्दै जाद बुद्दी पनि बड्दै गयो।आमा, सासू, बुहारी, र छोरीलाई भिन्नाभिन्नै तराजुमा तौलने बहिरो समाज एक पटक पनि सोच्दैन कि तिनै बुहारी छोरी हुन, तिनै सासू, तिनै आमा,
 छोरी हुदा खुला आकासमा चखेवाझै उड्नेहामी बिबाह पछि मझेरीमा सिमीत हुन्छौ बर्सौ को मेहिनेत,श्रम र लगन पछि आर्जेको ज्ञान सीप शिक्षा साझ बिहान चुलोमा पाक्छ ।हाम्रा शिखर चुम्बी भावना हरु सब्जी प्याज सङ्गै काटिन्छ धुजा घुजा बनाइन्छ।मीठो खाना बनाउनु र सबैलाई स्वोइच्छिन भोजन गराउनु नसोचेको  दैनिकी बन्छ।भन्नोस त सुधिर बा तपाइको बोली र ब्याभारमा एकरुपता किन छैन ?

तपाईं आफ्नी छोरिका सानातिना गल्ति कम्जोरिमा सहजै माफ गर्न सक्नुहुन्छ तर  आफ्नै बुहारिको सानो भुललाइ किन सक्नुहुन्न के तपाइकी बुहारी पनि कसैको छोरी हुन र उनलाइ आफनी छोरी सम्झनु बेस हुन्छ। भन्ननसक्नु कस्को कम्जोरी हो। पतिमाआफुलाइ र आफ्ना सारा खुसीहरु समर्पीत गर्दै म कसैकी दाहिनी हुनु मेरो स्वोभाब भित्र नपर्न पनि सक्छ।
मैले यो भन्न खोजिन कि मेरो श्रीमान लाई म इज्जत गर्दिन मलाइ सन्तान र आफ्नो परिवार तर्फ लगाब रहन्न यी सबैसाजिक रिवाज एक आमामा हुनुपर्ने सुगुण हरुलाइ समेट्दै पनि आफ्नो लक्ष्यचुम्न सकिन्छ नि।
 मेरा सकारात्मक भाब समाज प्रती परिवार प्रती रहने उत्तरदाइत्व लाई अबलम्बन गर्दै।मेरा हरेक सहि कदममा साथ दिने त्यस्तो केटा खोज्नोसन  म बिहेगर्न का लागि तम्तयार छु।
कालिको कुराले सुधिर बा मुरलिकाका नाजवाफ भए केसब फिस्स फिस्स हस्दै बाटो मोड्यो।
साझ निकै पर्यो सुधिर बा र मुरली काका सुनी रहे।
कालीअफै बाटो मोडि सबै आफ्नो बाटो लागे।

घर पुगेर घरायसी खानपान सकि बिस्तरामा पल्टेकी काली लाई घरी घरी सुधिर बा को कुराले पोलि रह्यो सोची चिन्ताले अनेक बाहाना मा कोल्टे फेरिरह्यो।बितेका दिनहरुमा फर्काउदा एकमन ले भन्यो म यो घरमा धेर भाको त हैन नि फेरि आज सम्म मैले आफ्ना लागि आबस्यक जीवन साथी किन खोज्न सकिन अरुका कुराले झस्केर आफ्नो भबिस्य को चम्किलो तस्बिरमा लागेका धुलाका कण पुस्नु पर्ने।फेरि सम्झन्छे।आफ्नै मन लाई प्रस्न गर्छे।

समय कहिले परिबर्तन हुन्छ र दिन समय महिना बर्स बराबरी चलिरहन्छन।बस त्यस्लाइ त आफ्नो सोच भाबन र दैनिकी ले बदल्ने हो मैले यतिका बर्सलाएर आर्जन गरेको दक्षता कौसल यी सबै कुरामा मेरा शुभ चिन्तक आफन्त साथी भाइ सबैले अबिछिन्न साथ दिनुभो त्यस्को मत्लब त यो हैन अझै म उहाहरुकै सुझाबमा मलाइ लिन गरौ मलाई बा आमा ले दुख र सास्ती भोगेर शिक्षित बनाउनु को मत्लब यो पनि त हैन नि मेरा लागि कस्तो केटा चाहिन्छ र त्यो अरुको दुखाइको बिसय बनोस।आफै दक्ष बनाउने र दक्षताको फल लिन खोज्दा मनमानी गरि भन्ने समाज आफन्त सङ्ग अलिकती रिसाउछे। फेरि सोच्छे यस्का लागि पनि हिम्मत गर्छु कि कस्तो मानिस सङ्गको सहयात्रामा मलाइ मेरो भबिस्यले सहजता महसुस गर्छ र म सफलबन्न सक्छु त्यो मेरो निर्णयको कुरा हुनपर्छ। 

आखीर म बजारमा बिज्ञपन गर्न राखिएको सेम्पल पनि त हैन।कोहि मलाइ एक झलक हेरोस अनि ठिक छे भनोस र म उस्कि जिबन साथी बनौ।मलाइ त श्रीमान भन्दा पनि माथीको सथी चाहिने हो जस्ले जीवन यात्रामा सहयोग गुर्याउन सकोस आजभोलि त अड्चन फुकाउने भन्दा बाटोकाट्ने मानिस को भिड धेर देख्छु।हामी महिला हरुलाइ मागमा एकधर्को सिन्दुर भरेर चौकाको दासी ठान्ने  पुरुसार्थि लह्ड बिमेलको रिति र जबर्जस्ति गरिने कठोर प्रेम भित्र यातना सिबाय केही छैन।फेरि जात भात ठूलो सानो कागजमा सिमित समानता याबत कुरा कत्ती कत्ती आफुलाइमनले खाएको मान्छे को नालिबेली सुन्दा बा आमाको मन दुख्ने समस्या अरुले सहि भन्दा ठिक मान्ने कि आफ्नो मन ले ठिक भने सहि अनेक प्रश्न को थुप्रोमाथी उभिएर पनि एक असल साथिको सहयात्र अबस्य आउला भन्दै निदाउने कोसिस गर्छे।......